~ three parts mad, and the fourth delirious, with perpetual rushing of hard times ~ Dickens

Friday, April 18, 2014

On 4/18/2014 03:00:00 PM by Unknown in , ,    No comments
धेरै भयो,
रोकिएको छ मेरो घडि,
दरवारमार्गमा ठडिएको जिर्ण घन्टाघर झैँ,
बज्दैनन् समय सूचक तोपहरु,
समय? अहँ, चलायमान छ,
घडिले रोक्ने हो र समय?
अज्ञात भविष्य कुरिरहेको छ, कतै।
अधिर छ वर्तमान,
धुमिल हुदै छ विगत, सम्झनाहरुमा,
चन्द्रागिरी मुन्तिर घामको चमक हराएझैँ,
कान खुलै छ, सँधाझैँ,
सँगित जरुर बन्द छ आजभोली,
भ्वाइलिन बज्दैनन् आजभोली,
जर्ज ह्यारिसनको गितारले विरहका गितहरु बजाउन थालेको छ,
सहरको ट्राफिकझैँ अस्तव्यस्त छ दैनिकि,
होइन, दिनहरु निरस छन,
मन आजीत हो बस,
ज्वालामुखी फुट्छ दिनौँ,
लाभाले मानसिक उथलपुथल को रूप धारण गर्छन,
ड्राफटमा आधी लेखेर छाडिएका कथा-कविता झै,
लाथालिङ छ दैनिकि,
बस, बुर्कुशी मार्दै छ मेरो वर्तमान,
अनिश्चित भविष्यको तिर।   


0 comments:

Post a Comment